News/Новости

Наука за материјали - Интензивен курс -
Во периодот од 1 до 5 октомври 2008 година на Институтот за хемија ќе се одржи интензивен курс со предавања кои ќе бидат претежно од областа на науката за материјали. Предавањата ќе бидат изведувани од предавачи од Институтот за хемија при ПМФ, од Универзитетот од Лајпциг, Германија, како и од Babes-Bolyai Универзитетот од Романија. Курсот е спонзориран од Пактот за стабилност за Југоисточна Европа. Доколку ве интересираат повеќе информации во врска со курсот, предавањата, предавачите, како и пропратните активности одберете го горниот линк.

Reinforcement of the Research Capacities of the Spectroscopy Laboratory for Archaeometry - Support website for the FP6 project is launched. (May 2007)

Фактори на влијанија (Impact factor) (PDF - 841 KB). Фактори на влијанија за околу 6000 научни списанија од различни области на науката (за периодот од 2002 до 2004).

Наставни планови - Најнови наставни планови за студиските групи (хемија и биохемија) на Институтот за хемија (11-04-2006).

Демонстрациони експерименти на Институтот за хемија - На 10 април (понеделник) со почеток во 18.00 часот, во амфитеатарот на Институтот за хемија при Природно-математички факултет ќe сe прикаже едночасовна програма со интересни демонстрациони хемиски експерименти. Експрериментите ќе бидат изведувани од господарот на колбите, епруветите и хемиската кујна доц. д-р Методија Најдоски. Сите љубители на хемијата и хемиските експерименти се поканети, а останатите нека повелат и тие нема да зажалат.

Семинар за професорите по хемија - На 27.01.2005 год. во просториите на Институтот за хемија ќе се одржи еднодневен семинар за професорите од средните училишта.
На семинарот ќе бидат презентирани некои нови мултимедијални технологии за учење, измени во номенклатурата на органските соединенија, експериментирање во хемијата, како и други содржини, техники и технологии на учење опфатени со реформираното гимназиско образование. Во рамките на семинарот ќе се одржат две работилници, од кои едната ќе се однесува на експериментирање со едноставни и минијатурни прибори за работа, а другата на примена на компјутери во наставата по хемија.
На учесниците на семинарот ќе им бидат платени патните трошоци, а ќе се одржи и заеднички ручек во бифето на ПМФ.

30 години Гласник на хемичарите и технолозите на Македонија - На Институтот за хемија на Природно-математички факултет во Скопје на 10.12.2004 година (петок), со почеток во 12.30 часот ќе се одржи свеченост по повод 30 години од излегувањето на првиот број на Гласникот на хемичарите и технолозите на Македонија. На свеченоста ќе говорат, претседателот на СХТМ проф. д-р Светомир Хаџи Јорданов, проф. д-р Трајче Стафилов и акад. д-р Борјан Шоптрајанов.

Хемиска писменост - Навистина сите знаеме дека словенската писменост потекнува од овие краеви и сите ние во Македонија сме горди на тоа. Затоа би требало да водиме сметка за пишаниот и изговорениот збор.
Да бидеш хемичар не значи дека си најсоодветна личност за да зборуваш за јазикот и неговата употреба, но кога станува збор за хемиската писменост тука веќе се менуваат работите. На сликата лево е прикажан дел од реклама за електроди  за заварување со јаглерод диоксид... само дали местото на индексот беше горе или долу?

Неколку причини зошто да студирам хемија (PDF - 400 KB). Брошура која има за цел да ве запознае со потребните услови и поволности при запишувањето на некоја од студиските групи (Применета хемија, Аналитичка биохемија и Наставна хемија), можностите и условите во кои се изведува наставната и научната активност на Институтот за хемија -една од најпознатите македонска научна институција во светски рамки. (JPG-верзија, PDF-верзија)